குவைத் (25 ஜன 2023) குவைத்தில் கூகுள் பே சேவை தொடங்கப்படவுள்ளது. குவைத் மத்திய வங்கியின் தேவையான ஆய்வுகள் முடிந்த பிறகு நாட்டில் கூகுள் பே சேவை தொடங்கப்படும் என்று அதிகாரிகள் தெளிவுபடுத்தியுள்ளனர்.
நாட்டின் வாடிக்கையாளர்களுக்கு வங்கிச் சேவைகளை விரைவாகச் செயல்படுத்தும் நோக்கில் இந்தப் புதிய வசதி ஏற்படுத்தப்பட்டுள்ளது.
கூகுள் பே மார்ச் மாதத்திற்குள் குவைத்தில் செயல்படத் தொடங்கும் என்று உள்ளூர் ஊடகமான அல் ராய் செய்தி வெளியிட்டுள்ளது.
முதற்கட்டமாக, கூகுள் பே சேவை மூன்று வங்கிகளில் கிடைக்கும் என்பதற்கான அறிகுறிகள் உள்ளன. தற்போது, ஆப்பிள் பே மற்றும் சாம்சங் பே போன்ற சர்வதேச கட்டண முறைகள் குவைத்தில் ஏற்றுக்கொள்ளப்படுகின்றன. இது தவிர வாடிக்கையாளர்களுக்கு வங்கிச் சேவைகளை விரைவாக செயல்படுத்தும் நோக்கத்தில் புதிய கட்டண வசதி தயாராகி வருகிறது.
கூகுள் பே சேவையை ஆண்ட்ராய்டு போன்களில் கூகுள் வாலட் ஆப்ஸ் மூலம் பயன்படுத்தலாம் அல்லது ஆப்பிள் ப்ளே ஸ்டோரிலிருந்து பதிவிறக்கம் செய்யலாம். Google Payஐ ஏற்கும் எந்த இடத்திலும் பாதுகாப்பாக பணத்தைப் பரிமாற்றம் செய்ய இந்தச் சேவையைப் பயன்படுத்தலாம்.
