சென்னை (14 டிச 2020): பாஜகவில் குஷ்பு மீண்டும் புறக்கணிக்கப்பட்டுள்ளார்.
பல கட்சிகளில் இருந்து விட்டு கடைசியாக காங்கிரஸிலிருந்து பாஜகவில் தன்னை ஈடுபடுத்திக் கொண்ட நடிகை குஷ்பு, மிகப்பெரிய எதிர்பார்ப்புடன் கட்சியில் இணைந்தார். ஆனால் இதுவரை அவரை அக்கட்சியினர் ஒருவர் கூட மதித்ததாக தெரியவில்லை.
திருமாவளவனுக்கு எதிராக போராட்டம் நடத்தி அதில் அவர் பேசிய வீடியோ சினிமாவில் நடிப்பதுபோல் டேக் கட் சொல்லும் காட்சி சமூக வலைதளங்களில் வெளியாகி கேலிக்கு ஆளானார்.
இது இப்படியிருக்க தமிழக சட்டமன்ற தேர்தல் 2021 தேர்தல் அறிக்கை தயாரிக்கும் குழுவிலும் அவரது பெயர் இடம்பெறவில்லை. எல் முருகன் வெளியிட்டுள்ள பட்டியலில் அண்ணாமலை, எச்.ராஜா உள்ளிட்ட தலைவர்கள் பெயர்கள் இடம்பெற்றுள்ளன. ஆனால் பெரிதும் எதிர்பார்க்கப்பட்ட குஷ்பு பெயர் இல்லை.ல் இதனால் குஷ்பு பாஜகவில் தொடர்ந்து புறக்கணிக்கபடுகிறார் என்பது வெட்டவெளிச்சமாகியுள்ளது. மேலும் தமிழக பாஜக தலைவர் எல்.முருகனுக்கு குஷ்பு மேல் இன்னும் நம்பிக்கை பிறக்கவில்லை என்பதும் தெளிவாகிறது.
