சிலம்பரசன் குறித்து விரைவில் நல்ல தகவல் – யுவன் சங்கர் ராஜா தகவல்!

சென்னை (24 ஜூன் 2021): நடிகர் சிலம்பரசன் குறித்து விரைவில் நல்ல தகவல் வரும் என்பதாக இசையமைப்பாளர் யுவன் சங்கர் ராஜா தெரிவித்துள்ளார்.

பல்வேறு சர்ச்சைகளுக்குப் பிறகு சிலம்பரசன் மீண்டும் சினிமாவில் பிசியாக நடித்து வருகிறார். சமீபத்தில் வெளியான ஈஸ்வரனை அடுத்து ‘மாநாடு’ படம் விரைவில் வெளிவரவுள்ளது .

இப்படத்தின் டீசர் நன்கு பேசப்பட்டது. இதனை அடுத்து வெளியான முதல் சிங்கிள் நல்ல வரவேற்பைப் பெற்றுள்ளது. வெங்கட் பிரபு இயக்கம் மாநாடு படத்திற்கு யுவன் சங்கர் ராஜா இசையமைத்துள்ளார். இதில் சிலப்பரசன் அப்துல் காலிக் என்ற இஸ்லாமிய இளைஞராக நடிக்கிறார்.

இந்நிலையில் யுவன்சங்கர் ராஜாவின் சமூக வலைதள பதிவில் ஒரு படத்தை பதிவிட்டு “விரைவில் நல்ல தகவல் காத்திருக்கிறது இன்ஷா அல்லாஹ்” என்று பதிவிட்டுள்ளார். அந்த படத்தில் சிலம்பரசனும்,யுவனும் உள்ளனர்.