சென்னை (11 மார்ச் 2023): இஸ்லாமியர்களின் அனைத்து நியாயமான கோரிக்கைகளும் நிறைவேற்றப்படும் என்று முதல்வர் ஸ்டாலின் தெரிவித்துள்ளார்.
இந்திய யூனியன் முஸ்லிம் லீக் கட்சியின் பவள விழா மாநாடு சென்னை ஒய் எம் சி ஏ மைதானத்தில் நடைபெற்று வருகிறது. இந்த விழாவில் முதலமைச்சர் மு.க.ஸ்டாலின் முக்கிய விருந்தினராக கலந்துகொண்டார். அப்போது அவர் பேசியதாவது:
முஸ்லிம்களுக்கும் திராவிட அரசியலுக்கும் உள்ள உறவை யாராலும் உடைக்க முடியாது. அப்பாவி முஸ்லீம்களை விசாரணையின்றி பத்து இருபது வருடங்கள் சிறையில் அடைக்கும் மத்திய அரசின் நடைமுறைக்கு எதிராக சட்டம் இயற்றினாலும் அனுமதி கிடைப்பதில்லை. இந்தியாவின் பன்முகத்தன்மை மற்றும் சமூக நீதியை அழிக்க ஒன்றிய அரசு முயற்சிக்கிறது.
மதத்தின் மூலம் நாட்டில் வெறுப்புணர்வை பரப்ப சிலர் முயற்சிக்கின்றனர். 2024 தேர்தல் அவர்களுக்கு பாடம் கற்பிக்கும். இந்த தேர்தலில் வெற்றி பெற நாம் ஒன்றுபட்டு நிற்க வேண்டும். திராவிட ஆட்சி முறை நாடு முழுவதும் பரவ வேண்டும்.
‘அண்ணாதுரையும் கருணாநிதியும் இஸ்லாத்தைப் படித்து திராவிட அரசியலைத் தொடங்கினார்கள். கலைஞரும் அண்ணாவும் இஸ்லாமிய சமூகத்தால் வளர்க்கப்பட்டவர்கள். காயிதே மில்லத் காலத்திலிருந்தே திராவிட இயக்கத்தின் அதிகார மையமாக முஸ்லீம் லீக் இருந்தது. முஸ்லிம் சமுதாயத்திற்கு காயிதே மில்லத்தின் அனைத்து கோரிக்கைகளையும் கலைஞர் நிறைவேற்றினார்.
இந்த மாநாட்டில் வைக்கப்பட்டுள்ள அனைத்து நியாயமான கோரிக்கைகளையும் நிறைவேற்றுவதாக இந்த சந்தர்ப்பத்தில் உறுதியளிக்கிறேன். இஸ்லாமிய கைதிகளை விடுவிக்க கோரிக்கை விடுத்துள்ளீர்கள். விரைவில் அவர்கள் விடுதலை தொடர்பாக கவர்னர் ஒப்புதலுக்கு அனுப்பிவைக்கப்படும் என தெரிவித்தார். என முதல்வர் ஸ்டாலின் தெரிவித்தார்.
முன்னதாக முஸ்லிம் லீக் தொண்டர்கள் ஸ்டாலினை மிகுந்த ஆரவாரத்துடன் மாநாட்டு அரங்கிற்கு அழைத்து வந்தனர். பாணக்காடு சையது சாதிக்கலி ஷிஹாப் தங்கல், காதர் மொய்தீன், பி.கே.குஞ்சாலிக்குட்டி ஆகியோர் தலைமையில் ஸ்டாலின்க்கு மேடையில் வரவேற்பு அளிக்கப்பட்டது.
