புதுடெல்லி (08 ஏப் 2022): சர்வதேச மனித உரிமைகள் அமைப்பின் இந்திய தலைவர் ஆகர் படேலை மீண்டும் குடியேற்றத்தில் சிபிஐ அனுமதிக்காததை அடுத்து, அவர் மீது வெளியிடப்பட்ட லுக்அவுட் சுற்றறிக்கையை திரும்பப் பெறுமாறு உத்தரவிட்ட நீதிமன்றத்தின் உத்தரவை பின்பற்றாததற்காக புலனாய்வு அமைப்புக்கு எதிராக அவர் இப்போது அவமதிப்பு மனு தாக்கல் செய்துள்ளார்.
ஆகார் படேல், பெங்களூருவில் உள்ள கெம்பேகவுடா சர்வதேச விமான நிலையத்தில் இருந்து அமெரிக்கா செல்ல இருந்தபோது அதிகாரிகளால் தடுத்து நிறுத்தப்பட்டார்.
அப்போது அவருக்கு எதிராக லுக்-அவுட் நோட்டீஸ் இருப்பதாக கூறி அதிகாரிகள் அவரை தடுத்து நிறுத்தினர். தான் சிபிஐ கண்காணிப்பில் இருப்பதை சற்றும் எதிர்பாராத ஆகர் படேல் தனது எதிரான லுக் அவுட் நோட்டீசுக்கு எதிராக நீதிமன்றத்தை நாடினார். நீதிமன்றம் ஆகர் படேலுக்கு எதிரான லுக்அவுட் நோட்டீஸை ரத்து செய்து உத்தரவிட்டது.
இந்நிலையில் ஆகர் படேல் மீது வெளியிடப்பட்ட லுக்அவுட் சுற்றறிக்கையை திரும்பப் பெறுமாறு உத்தரவிட்ட நீதிமன்றத்தின் உத்தரவை பின்பற்றாததற்காக புலனாய்வு அமைப்புக்கு எதிராக அவர் இப்போது அவமதிப்பு மனு தாக்கல் செய்துள்ளார்.
கடந்த செப்டம்பர் 2020 இல், மோடி, பாஜக-ஆர்எஸ்எஸ் மற்றும் காஞ்சி ஜாதிக்கு எதிராக மூன்று ட்வீட் செய்ததற்காக படேல் மீது இந்திய தண்டனைச் சட்டத்தின் 153 ஏ, 295 ஏ, 505 (1) பி, 505 (1) சி, 499 மற்றும் 500 ஆகிய பிரிவுகளின் கீழ் வழக்குப் பதிவு செய்யப்பட்டது. .
மற்றொரு ட்வீட்டில், “ஆர்எஸ்எஸ் மற்றும் பாஜக முஸ்லிம்களுக்கு எதிரான வன்முறைகளால் எப்போதும் லாபம் அடைகின்றன. உபாத்யாயாவை விட வாஜ்பாய், வாஜ்பாயை விட அத்வானி, அத்வானியை விட மோடி ஆகியோர் இதனால் அதிக லாபம் அடைந்துள்ளனர் என்று தெரிவித்தார்.
இந்த ட்வீட்கள் சமூக வலைதளங்களில் வைரலானதை அடுத்து, அவர் மீது வழக்கு பதிவு செய்யப்பட்டது. அவரும் கைது செய்யப்பட்டார். பின்னர், ஜாமீனில் விடுதலையானார்.
