புதுடெல்லி(26/01/2021): குடியரசு தினமான இன்று டெல்லியில் விவசாயிகள் டிராக்டர்கள் அணிவகுப்பு நடத்தி அதிர வைத்து கொண்டிருக்கின்றனர்.
மத்திய அரசு கொண்டு வந்த மூன்று வேளாண் சட்டங்களைத் திரும்பப் பெறக் கோரி விவசாயிகள் நடத்தும் போராட்டம் உச்சகட்டத்தை அடைந்துள்ளது. குடியரசு தினமான இன்று ஒரு லட்சம் ட்ராக்டர்கள் அணிவகுப்பு நடத்துவோம் என விவசாயிகள் ஏற்கெனவே அறிவித்திருந்தனர். இதனைத் தடுக்க அரசு எல்லா வழிகளிலும் முனைந்தும் எதுவும் கைகூடவில்லை.
தற்போது ஆயிரக்கணக்கான ட்ராக்டர்கள் டெல்லி வீதிகளைத் திணறடித்துக் கொண்டிருக்கின்றன. சாரை சாரையாக விவசாயிகள் டெல்லி வீதிகளில் ட்ராக்டர்களில் வலம் வருகின்றனர். அதன் புகைப்பட காட்சிகள் கீழே:
