ஜித்தா (05 நவ 2022): ஜித்தாவிலிருந்து இந்தியா செல்லும் பயணிகள் புனித நீரான ஜம்ஜம் தண்ணீரை இலவசமாக எடுத்துச் செல்ல ஓமன் ஏர் விமான நிறுவனம் அனுமதி அளித்துள்ளது.
கோவிட் காலங்களில் ஜம் ஜம் தண்ணீர் எடுத்துச் செல்ல அனுமதி மறுக்கப்பட்ட நிலையில் தற்போது இந்த அனுமதி வழங்கப்பட்டுள்ளது.
அதன்படி ஒவ்வொரு பயணிகளும் 5 லிட்டர் ஜம்ஜம் நீர் பாட்டிலை இலவசமாக எடுத்துச் செல்லலாம் என்று விமான நிறுவனம் தெரிவித்துள்ளது. ஆனால் விமான நிலையத்தில் அங்கீகரிக்கப்பட்ட கவுன்டரில் வாங்கும் ஜம்ஜம் ஒரு பாட்டிலில் இருக்க வேண்டும் என்ற நிபந்தனை உள்ளது. மற்ற பாட்டில்களுக்கு அனுமதி இல்லை.
இதன் மூலம் உம்ரா யாத்ரீகர்களைத் தவிர, மற்ற யாத்ரீகர்களும் ஜம்ஜம் தண்ணீர் எடுத்துச் செல்லலாம். ஆனால் பொதுவான லக்கேஜ்களில் ஜம் ஜம் தண்ணீர் எடுத்துச் செல்ல முடியாது. தனியாக மட்டுமே ஜம் ஜம் தண்ணீர் அனுமதிக்கப்படும்.
கோவிட் வருவதற்கு முன்பு, விமான நிறுவனங்கள் ஜித்தாவிலிருந்து செல்லும் பயணிகள் ஐந்து லிட்டர் சாம்ஸம் பாட்டிலை தங்கள் சாமான்களுடன் இலவசமாக எடுத்துச் செல்ல அனுமதித்தன. ஆனால் கோவிட்க்குப் பிறகு விமானங்கள் இயல்பு நிலைக்குத் திரும்பினாலும், ஜம்ஜம் தண்ணீர் எடுத்துச் செல்வதில் சிரமம் இருந்தது. இந்நிலையில் ஓமன் ஏர் நிறுவனத்தின் அறிவிப்பு பயணிகளுக்கு நிம்மதியை அளித்துள்ளது.
