ரியாத் (07 ஜூன் 2021): இந்தியாவில் கோவ்ஷீல்ட் கொரோனா தடுப்பூசி இரண்டு டோஸ் போடுபவர்கள் சவுதி வரும்போது தனிமைப்படுத்தல் விலக்கு அளிக்க சவூதி அரசு ஒப்புதல் அளித்துள்ளதாக சவூதி இந்திய தூதரகம் அறிவித்துள்ளது.
சவூதி அரேபியாவில் உள்ள இந்திய தூதரகத்தின் கூற்றுப்படி, இந்தியாவில் விநியோகிக்கப்படும் கோவிஷீல்ட் தடுப்பூசி சவூதி அரேபியாவில் அங்கீகரிக்கப்பட்ட ஆக்ஸ்போர்டு அஸ்ட்ராஜெனெகா தடுப்பூசி போன்றது. தடுப்பூசி போடுவதற்காக இந்தியாவில் இருந்து சவுதி அரேபியாவுக்கு வருபவர்கள் முகீம் போர்ட்டலில் தடுப்பூசி குறித்த தகவல்களை வழங்க வேண்டும். தடுப்பூசி சான்றிதழில் கோவிஷீல்ட் என்ற பெயர் இருந்தால் போதுமானது.
இந்திய தூதரகத்தின் தலையீட்டின் மூலம் இது சாத்தியமானது. அதே நேரத்தில், இந்தியாவில் இருந்து கோவாக்சின் பெற்றவர்களின் நிலை குறித்து இன்னும் தெளிவாகத் தெரியவில்லை. இது தொடர்பாக விவாதங்கள் நடந்து வருகின்றன.
இந்தியாவில் கோவிஷீல்ட் இரண்டு டோஸ் பெற்றவர்கள் சவுதிக்கு பயணத்தைத் தொடங்குவதற்கு முன், நாட்டில் பெறப்பட்ட தடுப்பூசி குறித்த முழுமையான தகவல்களை முகிம் போர்ட்டலில் புதுப்பிக்க வேண்டும். கூடுதலாக, பயணிகள் தடுப்பூசி சான்றிதழையும் எடுத்துச் செல்ல வேண்டும். இருப்பினும், வெளிநாடுகளில் தடுப்பூசி பெறுபவர்களின் தடுப்பூசி தகவல்களை சவுதியின் தவக்கல்னா அப்ளிகேஷன் பயன்பாட்டில் எவ்வாறு புதுப்பிப்பது? என்பது குறித்து அதிகாரப்பூர்வ அறிவிப்பு எதுவும் சவுதி அதிகாரிகளிடமிருந்து பெறப்படவில்லை. இது குறித்து மேலும் தெளிவு வரும் நாட்களில் வரும் என்று நம்பப்படுகிறது
