சென்னை (11 பிப் 2021): நடிகர் பிரபுவின் அண்ணனும் நடிகருமான ராம்குமார் பாஜகவில் இணைந்தார்.
சென்னை தி.நகரில் உள்ள பா.ஜ.க.வின் மாநிலத் தலைமை அலுவலகமான கமலாலயத்தில், பா.ஜ.க.வின் மாநிலத் தலைவர் எல்.முருகன், பா.ஜ.க.வின் மேலிடப் பொறுப்பாளர் சி.டி.ரவி ஆகியோர் முன்னிலையில் நடிகர் சிவாஜி கணேசனின் மூத்த மகனும், நடிகருமான ராம்குமார், அவரது மகனுடன் பாஜகவில் இணைந்தார்.
அவர்களுக்கு சால்வை அணிவித்து வரவேற்ற சி.டி.ரவி., பா.ஜ.க.வில் இணைந்ததற்காக உறுப்பினர் அட்டையும் வழங்கினார். இந்த நிகழ்ச்சியில், பா.ஜ.க.வின் நிர்வாகிகள் வி.பி.துரைசாமி, கரு.நாகராஜன், குஷ்பூ உள்ளிட்டோர் கலந்துகொண்டனர்.
அதேவேளை நடிகர் பிரபு நான் எந்த காட்சியிலும் இல்லை என்று தெரிவித்துள்ளார்.
