சென்னை (28 ஜன 2020): தமிழக பாஜக ட்விட்டர் பக்கத்தில் ஏதாவது பதிந்துவிட்டு பின்பு நீக்கம் செய்வது வாடிக்கை.
அந்த வகையில் காஷ்மீர் முன்னாள் முதல்வர் ஒமர் அப்துல்லா குறித்த ஒரு பதிவை பதிந்துவிட்டு தற்போது நீக்கம் செய்துள்ளது.
காஷ்மீர் முன்னாள் முதல்வரும், தேசிய மாநாட்டு கட்சியை சேர்ந்தவருமான ஓமர் அப்துல்லாவின் கடந்த ஐந்து மாதங்களாக வீட்டுச் சிறையில் வைக்கப்பட்டுள்ளார். அவரது தாடியுடன் கூடிய புகைப்படம் சமூக வலைதளங்களில் வைரலாகி வருகிறது.
இந்நிலையில் இதனை கிண்டல் செய்யும் வகையில் தமிழக பாஜக பதிவொன்று இட்டிருந்தது. அதில்,ஒமர் அப்துல்லாவுக்கு அமோசனில் ஷேவிங் பிளேடு ஆர்டர் செய்து பரிசாக அனுப்புவது போன்று பதிவிட்டிருந்தது.
இந்த பதிவுக்கு கடும் எதிர்ப்பு கிளம்பியது. இதனை அடுத்து அந்த பதிவை தமிழக பாஜக ட்விட்டர் பக்கத்திலிருந்து நீக்கம் செய்துள்ளனர்.
